Prej shumë kohësh tashmë e ardhmja e Kvicha Kvaratskhelias vijon të përflitet.
Gjeorgjiani konsiderohet një ndër më cilësorët e Napolit dhe jo vetëm, i cili pretendohet nga Barcelona dhe Paris St Germain.
Mbetja jashtë Champions Leagues nga ‘’ Il Partenopei ‘’ mund të pasohet me largimin e mesfushorit nga ‘’ Diego Armando Maradona ‘’ gjatë merkatos së verës.
Sipas ‘ La Gazzetta dello Sport ‘, Nasser Al Khelaifi e ka marrë shumë seriozisht këtë çështje pasi bëhet fjalë për një element që mund ti shërbejë skemave të trainerit Luis Enrique.
Mirëpo, do të jetë e vështirë arritja e marrëveshjes me Kvicha Kvaratskhelias, duke patur parasysh se kontrata me bardhekaltërit përfundon në 2027-tën.
Nëse i referohemi ‘’ Los Cules ‘’, transferimi i 23 vjeçarit në ‘’ Camp Nou ‘’ përbën natyrisht një sfidë, histori e kundërt për ‘’ Les Pariziens ‘’, të cilët shquhen për potencialin në aspektin ekonomik.
Gjithashtu, duhet shtuar se fituesit në fuqi të Ligue 1 mbeten kandidatë për të fituar çdo trofe në të ardhmen, edhe pse trofeu i Champions Leagues vijon ti shpëtojë.
Në aspektin ekonomik, pa dyshim që Paris St Germain është ndjeshëm i avantazhuar por vendimi i takon Kvicha Kvaratskhelias, i cili e meriton kalimin tek një ekip elite, jo vetëm në Itali.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
