Edhe pse vazhdon të ketë një rëndësi specifike në skuadrën e Interit nuk përjashtohet fakti se e ardhmja e Marcelo Brozovic mund të ketë një tjetër destinacion gjatë merkatos së verës.
Ziklatërit kanë hedhur hapa të rëndësishëm nëse i referohemi Serisë A dhe janë drejtë rrugës së uljes nga froni të Juventusit .
Ky sukses i Interit ndikon në mënyrë direkte tek lojtarët sepse bëhen edhe më të preferuar nga skuadrat e mëdha europiane . Tashmë tratativat e para kanë filluar sepse janë pikërisht rivalët e përjetshëm të tyre që i kanë vënë syrin Marcelo Brozovic .
Drejtori sportiv Paolo Maldini vazhdon ta konsiderojë kroatin si një element frytdhënës për të ardhmen dhe këtë fakt e mbështet tek eksperienca e madhe e 28 vjeçarit që e shëndërron në njëfarë mënyrë në copëzën e munguar për të ardhmen e mesfushës .
Kësaj piste shumë interesante nuk do ti mungojnë as Atletico Madridi , Sevilla dhe Real Betis duke krijuar automatikisht një rivalitet domethënës në lidhje me merkaton e verës .
E vetmja pengesë për këtë operacion konsiderohet kontrata e kroatit me 18 herë kampionët e Scudettos e cila merr fund në qershorin e 2022- shit por fjalën e fundit do ta ketë merkatoja e verës e cila në të shumtat e rasteve i ka thyer të gjitha parashikimet e mundshme .
Pjesa e dytë e sezonit vazhdon me ritme pozitive për Marcelo Brozovic sepse eksperiencën nën drejtimin e Antonio Contes e ka kanalizuar në totalin e 33 ndeshjeve dhe 1 gol të shënuar , hapa të cilat e justifikojnë pa asnjë dyshim interesin e kuqezinjve .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
