Peter Olayinka, ka qenë një nga lojtarët e huaj më të mirë, që ka luajtur në Shqipëri, teksa ka qenë pjesë e Bylisit dhe Skënderbeut. Sulmuesi nigerian shkëlqeu me korçarët, teksa u shit nga këta të fundit në vitin 2017, për 1.1 milion euro, ndërsa ruajtën edhe një përqindje në kartonin e tij, në rast rishitje. Tashmë Olayinka do të vazhdojë karrierën në Serbi. 27-vjeçari ka firmosur një kontratë për tre sezone me skuadrën e Crvena Zvezda. Olayinka ishte pjesë e Slavias së Pragës në pesë sezonet e fundit, skuadër me të cilën fitoi tre herë titullin kampion dhe po kaq herë Kupën e Çekisë. Sulmuesi fitoi titullin kampion me Skënderbeun në vitin 2016 dhe 2017, teksa me Bylisin mbërriti në finalen e Kupës së Shqipërisë në vitin 2013.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
