Me marrjen e drejtimit të Newcastle United , sheikët arabë i kanë qëndruar çdo ditë besnikë idesë se shëndërrimit të anglezëve në një superfuqi në futboll shumë shpejt. Objektivi kryesor i bardhezinjve është shpëtimi i sezonit sepse pas 16 javësh renditen të parafundit dhe merkatoja e janarit do të jetë një finale për të ardhmen e kësaj skuadre.
Problemet në mbrojtje e kanë shtuar bindjen se ndërhyrja në këtë repart duhet të jetë e padiskutueshme dhe i preferuari i Eddie Howe për krahun e djathtë mbetet Kieran Trippier .
Prej shumë kohësh flitet se anglezi mund të bëjë gati valixhet për rikthimin në Premier League , kampionat që i dha shansin të njihej botërisht dhe sipas ‘ Mundodeportivos ‘ , sheiku Yasir Al Rumayyan ka hapur thesin duke ofruar 35 milionë euro për 31 vjeçarin. Ky operacion do të favorizonte Atletico Madridin sepse shpenzoi 22 milionë euro në 2019- tën për Kieran Trippier .
E rëndësishmja në këtë histori është se Diego Simeone e ka vlerësuar interesin e Newcastle United për britanikun duke deklaruar se nuk do të pengojë largimin e ishi-t të Tottenhamit nga ‘’ Wanda Metropolitano ‘’ pavarësisht se në këto dy vite ka spikatur duke i ndihmuar ‘’ Los Rojiblancos ‘’ në prapavijë dhe ofensivën me inkursionet e vazhdueshme .
83 ndeshje dhe 11 asiste janë përmbledhja e eksperiencës në Madrid e cila rrezikon vijimësine për faktin se për Kieran Trippier pas dere është edhe Manchester United . Newcastle United është një hap me përpara ‘’ The Red Devilsave ‘’ në lidhje me aspektin ekonomik , ndërsa në atë sportiv është shumë e distancuar edhe me skuadrat e tjera .
Premier League dhe sidomos të qënit pjesë e ‘’ Las Urracas ‘’ mund të rezultojë një arsye bindëse për anësorin nga Bury për të zgjedhur ‘’ St James Parkun ‘’ si shtëpinë e re , aty ku komoditetet s’kanë nevojë për koment .
Sezoni po vijon siç duhet për nxënësin e ‘’ El Cholos ‘’ sepse ka ditur të jetë shumë kompetitiv dhe e ka shpërblyer besimin e argjentinasit me 15 ndeshje të një niveli për tu duartrokitur .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
