Pas fitimit të titullit të 19- të të Interit në Scudetto Juventusi nuk ka humbur shumë kohë dhe i është rikthyer një piste interesante. Bardhezinjtë mbajnë gjallë shpresat për mesfushorin e Lyonit Houssem Aouar të cilin e ndjekin prej kohësh . Me shumë gjasa revolcioni që do të bëjë ‘’ Zonja e Vjetër ‘’ në verë do ti tejkalojë kufinjtë e imagjinatës sepse humbja e kampionatit ka shkaktuar shumë pakënaqësi në kampin torinez.
E vetmja rrugë për të shpëtuar një disfatë pothuajse historike është fitimi i kupës së Italisë që do ti vërë përballë Atalantës së Gian Piero Gasperinit në 19 maj dhe konsolidimi i vendit të 3- të në renditje që do ti dërgojë automatikisht në Uefa Champions League . Një pjesë e këtyre dështimeve i kalon Andrea Pirlos i cili nuk ka ditur të gjejë skemat e duhura në funksion të sukseseve . Gjithsesi Juventusi nuk i ka humb shpresat dhe opsioni Aouar është me të vërtetë për tu konsideruar sepse po shkëlqen tek Lyoni .
22 vjeçari francez ka spikuar në çdo ndeshje në një ligë me një koefiçent të konsiderueshëm vështirësie siç është ajo e Francës dhe gjatë kohës është mbajtur nën vëzhgim edhe nga traineri i Real Madridit Zinedine Zidane . Kjo panoramë e detyron Juventusin të shtrëngojë rripin sepse një veprim i gabuar gjatë verës në lidhje me këtë çështje do të konsiderohej një vetvrasje për ta .
Duhet kujtuar se shpresat e tyre nuk janë sfumuar për asnjë moment pavarësisht hyrjes në lojë të ‘’ Galaktikëve ‘’ dhe nëse operacioni për Houssem Aouar do të ketë fund të lumtur , do të ishte lëvizja më e rëndësishme e Juventusit në merkato . Nxënësi i Rudi Garcias vijon të shfaqë një nivel mbresëlënës të cilin e ka kanalizuar në 30 ndeshje , 6 gola dhe 4 asiste .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
