Prej kohësh tashmë mesfushori Florian Wirtz është shëndërruar në një ndër lojtarët më të pretenduar gjatë merkatove.
Gjermani vijon të shkëlqejë tek Bayer Leverkuseni , fakt që ka tërhequr vëmëndjen e Bayern Munchen,Real Madridit dhe Juventusit.
Por, sipas të famshmes ‘ As ‘ edhe Barcelona ka hyrë në garë për 19 vjeçarin, i cili ka rikuperuar ndjeshëm nga terreni i humbur në të kaluarën dhe tanimë konsiderohet një referencë tek ‘’ Aspirinat ‘’.
Mateu Alemany bashkë me Jordi Cruyff po bëjnë maksimumin dhe merkatoja e verës do të jetë një shans që s’duhet humbur për të lënë ‘’ BayArenan ‘’ dhe në lidhje me pretendimin e ‘’ Blaugranëve ‘’ , traineri Xavi Hernandez e ka dhënë ‘ Ok ‘ për transferimin e talentit gjerman në mitikun ‘’ Camp Nou ‘’.
Por s’duhet harruar se kuq e blutë vijojnë të kenë probleme të theksuara në aspektin ekonomik dhe nga ky fakt mund të përfitojnë bavarezët , ‘’ Galaktikët ‘’ ose italianët për arritjen e akordit me një ndër mesfushorët më të mirë të Bundesligës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
