Eshtë e qartë se diçka nuk funksionon në sulmin e Juventusit dhe për këtë arsye drejtuesit e bardhezinjve po mendojnë disa ndryshime që do ti rikthejnë këtij reparti produktivitetin e mëparshëm .
Massimiliano Allegri si një trainer shumë i kujdesshëm dhe inteligjent po vlerëson evolucionin e Dusan Vlahovic . Serbi ka treguar shumë karakter në ofensivën e Fiorentinës dhe po shijon një eksperiencë të shkëlqyer në ‘’ Artemio Franchi ‘’.
Bardhezinjtë duan transferimin e 21 vjeçarit në ‘’ Allianz Stadium ‘’ dhe do të shfrytëzojnë çdo metodë për ta afruar në merkaton e janarit .
Ish kampionët e Scudettos i mbeten stoik objektivave të tyre që kanë të bëjnë me fitimin e kampionatit dhe Champions Leaguen dhe sipas ‘ Gazzetta dello Sport ‘ do të dërgojnë 70 milionë euro në adresë të skuadrës nga Firence . Një ofertë e tillë mund të shkaktojë një impakt pozitiv për arkat sepse i tejkalon ato të kandidatëve për yllin e sulmit të ‘’ Vjollcëve ‘’ duke i avantazhuar automatikisht torinezët .
Zërat për largimin nga skuadra e Vincenzo Italianos kanë nisur të përhapen që në merkaton e kaluar por Dusan Vlahovic preferoi të vijojë me progresin tek Fiorentina aty ku gëzonte vendin e titullarit .
Por me kalimin e kohës ka nxjerrë disa mesime shumë të rëndësishme dhe është vetë ish-i i Partizanit të Beogradit që ka konkluduar se ky është momenti oportun për të ndryshuar ambjent për faktin se ndihet i përgatitur për një skuadër të madhe .
Sezoni aktual vijon ta ngrejë në piedestal figurën e Dusan Vlahovic sepse në 12 takime ka arritur në 10 raste tek goli dhe Fiorentina po shijon një periudhë të pa hasur ndër vite sepse renditet në pozicione të favorshme për pjesëmarrjen në Europë sezonin vijues .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
