Sfida e shumë përfolur mes Juventusit dhe Napolit do të riluhet. Ky është vendimi surprizë që gjykata sportive e apelit mori sot në Itali, ndërkohë që më herët ishte vendosur fitorja 3-0 në favor të bardhezinjve, ndërsa Napolit i ishte hequr një pikë. Të gjitha këto për mosparaqitje, por që tani nuk vlejnë më.
Në këto Juventus zbret në vendin e katërt në Seria A me po aq pikë sa Napoli i vendit të tretë. Të dy skuadrat kanë nga 24 pikë, por me 1 ndeshje më pak.
Juventus-Napoli nuk u luajt për shkak se Napoli dy muaj më parë nuk u lejua të udhëtonte drejt Torinos për shkak se dy futbollistë kishin rezultuar pozitivë. Pasi gjykata sportive vendosi në favor të Juventusit, Napoli apeloi dhe siç duket doli e fituar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
