Trajneri i Kukësit, Stavri Nica, tha për MCN TV, se barazimi pa gola ndaj Erzenit, ishte rezultat i drejtë për atë që treguan skuadrat.
Sipas tij, verilindorët kanë shumë probleme në sulm, pasi nuk e kanë një sulmuesi të mirëfilltë.
Loja shkoi me episode, por si ndeshje, i shkoi barazimi. Të dyja skuadrat ishin shumë larg portës dhe ia lanë kush ta ngecte golin. Terreni ishte jo i përshtatshëm. Ne duhet të jemi të kënaqur edhe me barazimin.
Pa një sulmues të mirëfilltë, skuadra vuan, sepse është e detyruar gjithë kohën të zbresë. E kemi shumë problem. Shpresojmë ta zgjidhim situatën e sulmit.
Kemi shumë probleme në sulm, pasi të gjithë po luajnë me sulmues të maskuar. Ky sistem loje, sado efikas të jetë, do kohë të praktikohet me sulmues pas shpine. Djemtë i përgjigjen në maksimum dhe me dëshirë për të qenë në fazën sulmuese. Dihet se sulmuesi i mirëfilltë e bën diferencën.
Që sot e tutje kam vendos që për arbitrat të mos flas fare. Të flasin specialistët që nuk kanë emocionet e skuadrës sonë. Nuk do të merrem më, arbitrat duhet të marrin përsipër atë që duhet në punën e tyre.
Arbitri sot më pëlqeu se i ndoqi mirë aksionet, por episodet që pati duhet t’i analizoni ju.
Është e pamundur të flas për Rashitin, pasi nuk është vetëm vendimi ynë. Them kështu pasi ka problemet e tija në vendin ku jeton, në Zvicër. Ka probleme me familjen e tij dhe nuk është mirë t’i përflasim dhe jemi të detyruar që të shfrytëzojmë këta që kemi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
