Pano Qirko është lojtari më i ri i Teutës. Ndonëse marrëveshja ishte arritur prej kohësh, zyrtarizimi i portierit te kampionët e Shqipërisë është bërë vetëm ditën e djeshme.
Portieri vjen pas një sezoni shumë të mirë me Bylisin dhe tashmë do të mbarojë portën e skuadrës durrsake.
Duket se ajo e sezonit të ri do të jetë një Teutë tjetër nga ajo që u shpall kampione, teksa shumica e lojtarëve janë larguar dhe janë zëvendësuar me të tjerë.
Ndryshim ka pasur edhe në portë, por Stivi Frashëri vendosi të largohet dhe të vazhdojë karrierën në Kosovë, ndërsa vendin e tij e merr Qirko, i cili shpreson që gjithashtu të tregojë paraqitje të mira në sezonin e ardhshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
