Milani luan një ndeshje shumë të rëndësishme të mërkurën, siç është ajo ndaj austriakëve të Salzburg. Kuqezinjve i mjafton një barazim për të siguruar kalimin e grupit, por skuadra do të futet në fushë për fitore.
Në konferencën për shtyp para ndeshjes, trajneri i Milanit, Stefano Pioli, tha se skuadra ka një mundësi të madhe, për të arritur objektivin e parë sezonal, që është kalimi i grupeve.
Nëse bëjmë mirë nesër do të thotë shumë për ne. Kemi një shans të madh për të arritur objektivin tonë të parë sezonal. Skuadra e di shumë mirë si të menaxhojë këto situata. Jemi të zhgënjyer nga sfida e së dielës, por ky është një tjetër kompeticion dhe ka shumë përqendrim për ndeshjen e nesërme.
Nesër duhet të bëjmë paraqitjen më të mirë të mundshme. Duhet të luajmë me karakteristikat që kemi, përqendrimin dhe vëmendjen e duhur në zgjedhjet që duhet të bëjmë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
