Zërave të njëpasnjëshëm mbi një largim të mundshëm të Neymar Junior nga Paris St Germain i ka ardhur fundi. Presidenca kryeqytetase e lideruar nga Nasser Al Khelaifi ka arritur të hedhë hapin e ëndërruar prej kohësh.
Sipas prestigjozes franceze "Telefoot", palët në fjalë kanë arritur akordin e qëndrimit të brazilianit në të famshmin "Parque De Prince" deri në vitin 2026 .
Ky sukses ia ka shuar përfundimisht shpresat Joan Laportas për ta rikthyer në "Camp Nou" dhe ia ka zbehur disi progresin e të ardhmes katalanasve.
Klauzola e kësaj kontrate përcakton se përfitimi i ishi-t të Santosit nuk do të ndryshojë dhe parashikohet se mund të rezultojë një shtysë për perlën tjetër të sulmit të kuq e bluve Kylian Mbappe për të vazhduar nën drejtimin e Mauricio Pochettinos dhe kështu ti rindezin shpresën kampionëve në fuqi të Ligue 1 për fitimin e trofeut të ëndërruar siç është Uefa Champions League.
Në lidhje me këtë aspekt presidenca vendase ka deklaruar se në rast konkretizimi, sulmuesi i kombëtares së "Seleçaos" do të ketë një bonus të konsiderueshëm, hap i cili me shumë gjasa do t’ia shtojë urinë për ta përmirësuar akoma me shumë rendimentin.
Kjo histori ka rënë si një bombë në kampin e "Blaugranëve" sepse mbanin gjallë shpresat për ta ribashkuar me shokun e ngushtë të tij dhe njëkohësisht kapitenin legjendar të Barcelonës, Lionel Messi.
Nëse i bëhet një përmbledhje eksperiencës së Neymar Junior me Paris St Germain statistikat flasin vetë sepse mund të konsiderohet një legjendë për shkak se numëron fitimin e 3 kampionateve, 3 superkupave, 2 kupave dhe 2 kupa të Ligës, fakte që i japin plotësisht të drejtë "Les Pariziens" për aksionin e ndërmarrë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
