Ka bërë kthesën në miqësoren e dytë skuadra e Dinamos.Pas atij barazimi 1-1 pak ditë më parë ndaj Burrelit, kryeqytetasit reaguan në testin e dytë,teksa mposhtën 4-1 skuadrën e Pogradecit, e cila është pjesë e kategorisë së parë.
Trajneri i nëndetëses Blendi Shkëmbi hodhi në fushë lojtarët që besohet se do të jenë baza e ekipit për sezonin e ri duke aktivizuar në këtë takim edhe prurjet e reja.
Ndonëse liqenorët kaluan të parët në avantazh që në minutën e 7 të takimit,blutë e kryeqytetit reaguan disa minuta më vonë duke vendosur fillimisht barazpeshën në minutën e 31 dhe përmbysur disavantazhin në minutën e 42 me Demirin.
Në të dytën, dinamovitët realizuan edhe dy gola të tjerë me anë të kapitenit Ibrahimi dhe Demiri dhe e mbyllën në favor të tyre takimin. Dinamo do të luajë në superligë sezonin e ri pas 10 vitesh mungese, ndërkohë që sfidën e parë do ta zhvillojë në transfertë ndaj Kastriotit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
