Suksesi i arritur me një skuadër të dorës së dytë në Premier League si Wolves e ka vënë Adama Traoren në fokusin e disa skuadrave të njohura në këtë kampionat . Të vetëdijshëm për rëndësinë e spanjollit në skemat e Nuno Espirito Santos , drejtuesit e anglezëve kanë menduar përmirësimin e pagës për sulmuesin potent në mënyrë që të evitojnë çdo pakënaqësi të mundshme gjatë rrugës . Sipas ‘ The Sun ‘ britanikët duan të rikompensojnë sakrificat e 25 vjeçarit me një zgjatje kontrate për 4 vitet e ardhshme kundrejt një page prej 140 mijë eurosh në javë e cila do ta shëndërronte në lojtarin më të paguar të Wolverhampton .
Në fakt nëse merret në konsideratë rendimenti i shfaqur nga Adama Traore , kjo shifër konsiderohet llogjike dhe do të evitonte interesin e Liverpoolit dhe Tottenhamit për të ashtuquajturin ‘’ La Flecha ‘’. Ishi i Middlesbrough është i domosdoshëm për portugezin Nuno Espirito Santo i cili ka arritur të formojë një skuadër shumë simpatike dhe një kundërshtar për tu respektuar në Premier League dhe më gjerë .
Aktualisht vlera e kartonit të Adama Traores arrin 50 milionë eurot por drejtuesit e Wolverhampton janë duke i përshpejtuar negociatat në funksion të qëndrimit të sulmuesit nga Barcelona në ‘’ Molineux ‘’ .
Kjo çështje pritet të marrë zgjidhje javën e ardhshme për arsye se Adama Traore është i grumbulluar me kombëtaren e ‘’ La Furia Rojas ‘’ në eleminatoret e Botërorit të Katarit dhe nëse kjo histori do të ketë fundin e lumtur sulmuesi potent do të përfitonte më tepër se Joao Moutinho dhe Ruben Neves.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
