Pavarësisht se ekipet europiane e kanë marrë vëmëndjen më të madhe në merkaton dimërore, edhe përtej kontinentit të vjetër interesi nuk ka munguar.
Interesi i skuadrave në Arabinë Saudite sa vjen edhe po shtohet, duke patur parasysh faktin se potenciali në aspektin ekonomik është shumë i madh, fakt që është provuar me fillimin e eksperiencave nga shumë lojtarë, të cilët lanë gjurmë në Europë në të kaluarën.
Kësaj here drejtuesit e Al Nassr s’kanë patur sukses për transferimin e Emerson Royal, për të cilin sipas ‘ Daily Mail ‘ ato të Tottenham Hotspurit e refuzuan ofertën prej 13 milionë eurosh.
Vendimi i londinezëve tregon rëndësinë e 25 vjeçarit në skemat e Ange Postecoglou, edhe pse nuk është aktivizuar rregullisht.
Prioritet për ‘’ Gjelat e Londrës ‘’ mbetet qëndrimi i lojtarëve kyç ne ‘’ White Hart Lane ‘’, të cilët synojnë sukseset në të ardhmen.
Emerson Royal po zhvillon sezonin e tretë me ‘’ Spursat ‘’ dhe gjatë eksperiencës po i rikonfirmon cilësitë e padiskutueshme të tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
