Pistat e mundshme për van de Beek

  Situata e Donny  van de Beek tek Manchester United sa vjen edhe bëhet më shqetësuese .  Hollandezi e ka humbur  protagonizmin tek ‘’ Djajtë e Kuq ‘’ dhe prej kohësh  nuk bën pjesë në planet e Ole Gunnar Solskajer . Transferimi nga Ajax Amsterdami në ‘’ Pallatin e Endërrave ‘’ për 40 milionë euro u konsiderua një goditje  cilësore nga 20 herë kampionët e Premier Leagues por koha nuk i ka dhënë të drejtë anglezëve duke e shëndërruar në një dështim total.

Mospërfshirja në skemat e norvegjezit e ka lodhur tej mase mesfushorin i cili kërkon ta finalizojë këtë eksperiencë dhe të fillojë ashtu siç duhet një tjetër  .

Loja e mrekullueshme me  Ajax Amsterdamin vijon ti sigurojë pretendentë të njohur si  Everton , Milan dhe Juventus  .  

Dështimi në merkaton e kaluar i ka forcuar anglezët dhe ka ringjallur besimin se në tentativën e dytë ekipi nga Liverpooli do ta  transferojë  24 vjeçarin në ‘’ Goodison Park ‘’.  

Për sa i përket kuqezinjve duhet theksuar se dështimet e njëpasnjëshme mbi rinovimin e kontratës me Franck Kessien kanë impulsuar vlerësimin e kësaj alternative  që mund ti prodhojë shumë benefite  skemave të Stefano Piolit . Drejtuesit e italianëve kanë deklaruar se do të provojnë të gjitha mënyrat për ta transferuar në merkaton dimërore talentin e kombëtarës së ‘’ Tulipanëve ‘’.   

Ndërsa ‘’ Zonja e Vjetër ‘’ i qëndron besnike vendimeve të marra  me rikthimin e  Massimiliano Allegrit , trainer që ka ndryshuar krejtësisht atmosferën tek  bardhezinjtë . Ish kampionët e Scudettos për 9 sezone rradhazi janë të sigurtë së prezenca e  Donny van de Beek do të përmirësote  funksionimin e mesfushës por paraprakisht do ti duhet të  fitojnë garën me  Milanin dhe Evertonin  .

Me vetëm 6 minuta aktivizim në Premier League dhe 45 në Champions League arrihet në konkluzionin se  eksperienca me Manchester United ka prekur fundin dhe alternativat e deritanishme mbeten shumë motivuese për të ardhmen.