Kombëtarja shqiptare e futbollit të dielën do të ketë shumë mungesa në organikë. Si të mos mjaftonte vendimi i Reja-s për të lënë jashtë grumbullimit pesë lojtarë kryesorë, apo mosardhja e disa futbollistëve për shkak të pandemisë, sot FSHF ka njoftuar se do të mungojnë edhe tre sportistë të tjerë për shkak dëmtimesh.
Bëhet fjalë për portierin Thomas Strakosha, Myrto Uzuni dhe Jon Mersinaj. Ndërkohë lajmi i mirë është se dy klube kanë lejuar më në fund futbollistët të grumbullohen me kombëtaren. Bëhet fjalë për portierin Etrit Berisha, por edhe për sulmuesin e Juventusit Giacomo Vrioni.
Sa i përket sulmuesit të kombëtares U-21, Emiljano Bullari, do të kthehet sërish tek skuadra e Shpresave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
