Milani ka filluar të mendojë që tani për lëvizjet që do të bëjë në merkaton e verës, ndonëse ende është larg.
Objektivi i kuqezinjve është afrimi i një mesfushori, pasi largimi i Franck Kessie duket i pashmangshëm.
Mesfushorit nga Bregu i Fildishtë në fund të kampionatit i përfundon kontrata dhe nuk do të rinovojë, për t’u larguar si futbollist i lirë.
Në këtë situatë, drejtuesit kuqezi, kanë nisur punën për të gjetur zëvendësuesin. Prej kohësh është folur për një afrim të mundshëm të mesfushorit portugez, Renato Sanchez, por së fundi në skenë ka dalë edhe një emër tjetër.
Jordan Veretout është shtuar në listën e Milanit, për merkaton e verës. Mesfushori i Romës nuk po arrin të tregojë aftësitë e tij me Murinhon dhe për këtë arsye në verë mund të ndyshojë skuadër.
Drejtuesit e Milanit do të tentojnë ta afrojnë në verë, pasi francezi e njeh mirë edhe kampionatin italian, pasi përveç Romës, ka luajtur edhe me Fiorentinën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
