Pista Harry Kane mbetet një ndër prioritetet e Manchester City-t në këtë merkato . Anglezi është një dëshirë e vjetër e Pep Guardiolas dhe drejtuesit nuk kanë reshtur asnjë sekond në lidhje me transferimin e ‘’ Uraganit ‘’ në të famshmin ‘’ Etihad Stadium ‘’. Megjithatë për katalanasin ofensiva është vetëm një pjesë e këtij rindërtimi galopant që kanë përgatitur ishullorët sepse javët e fundit po ndiqet edhe mesfushori Jack Grealish për të cilin Aston Villa kërkon 100 milione euro.
Në lidhje me perlën e Tottenham Hotspurit presidenti i kryeqytetasve Daniel Levy ka vendosur barrierën 200 milionë euroshe , një shumë e papërballueshme për arkat e bardhekaltërve sidomos pas problematikave të shkaktuara nga pandemia e koronavirusit .
Sipas The Telegraph pritet që e ardhmja e një ndër sulmuësve më produktivë të momentit të marrë zgjidhje pas pushimeve por nëse kampionët në fuqi të Premier Leagues dalin faqebardhë në lidhje me Jack Grealish do ta kishin shumë të vështirë ta përmbushnin kërkesën e ‘’ Gjelave të Londrës ‘’ pavarësisht se ylli i kombëtares së ‘’ Tre Luanëve ‘’ prej kohësh tashmë e ka shprehur se kërkon nisjen e një eksperience me një ekip që garanton trofe në të ardhmen .
E kaluara e ka dëshmuar fare mirë se të besuarit e Pep Guardiolas kanë shumë shanse për arritjen e çdo objektivi me në krye fitimin e Champions Leagues dhe për këtë arsye ishi-i i Barcelonës kërkon të perfeksionojë çdo repart për të mos ngecur më në faza determinante .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
