Huazimi i David Raya tek Arsenali po tregon se portieri është në nivelin e duhur për të qenë pjesë e kësaj skuadre në të ardhmen.
Sipas informacioneve të ekspertit të merkatos Fabrizio Romano, drejtuesit e ‘’ The Gunners ‘’ kanë vendosur ta blejnë kartonin e gardianit, i cili vlerësohet me 30 milionë euro.
Ky hap konsiderohet i duhuri nga kryeqytetasit dhe 28 vjeçarit do ti duhet të rivalizojë me Ramsdalen për një rol titullari tek 13 herë kampionët e Premier Leagues.
Prej shumë vitesh tashmë të distancuar nga titujt , me Mikel Artetan në stol duket se është rikthyer shpresa në ‘’ Emirates ‘’ dhe vendimi i marrë në lidhje me David Raya pritet t’ia hapë rrugën të tjerë lojtarëve gjatë merkatos së ardhshme në mënyrë që Arsenali të rifutet përsëri në shinat e suksesit të munguar prej shumë kohësh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
