U luajtën ditën e sotme 8 ndeshje të turneut të futbollit në Lojërat Olimpike, ku nuk munguan rezultatet surprizë.
Në Grupin A, Meksika mposhti me shifrat e thella 4-1 Francën. Golat e Vega në minutën 47-të, Cordova në minutën e 55-të, Antuna në minutën e 80-të dhe Aguirre në minutën e 90-të, e bënë të pavlefshëm golin e Gignac në minutën e 69-të për Francën. Në të njëjtin grup, Japonia mposhti minimalisht Afrikën e Jugut.
Në Grupin D, Brazili mposhti me rezultatin 4-2 Gjermaninë. Lojtari i ndeshjes ishte padyshim Richarlison, i cili realizoi tripletë për “Selecaos” në minutat 7’, 22’ dhe 30’. Ndërkohë goli i katër u shënua nga Paulinho në minutën e 90+5’. Për Gjermaninë shënoi Amiri në minutën e 57-të dhe Ache në minutën e 84-t.
Në të njëjtin grup, Bregu i Fildishtë mposhti 2-1 Arabinë Saudite, ku autogoli i Al Amri në minutën e 39-të dhe goli i Frank Kessie në minutën e 66-të, i dha fitoren skuadrës afrikane.
Në Grupin C, Spanja barazoi pa gola ndaj Egjiptit, ndërsa Argjentina u mposht 2-0 nga Australia.
Në Grupin B, Zelanda e Re mposhti minimalisht Korenë e Veriut, ndërsa me të njëjtin rezultat triumfoi edhe Rumania ndaj Hondurasit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
