Barcelona e ka zgjedhur tashmë rrugën drejt rindërtimit dhe deri më tani rezultatet i kanë dhënë të drejtë drejtuesve .
Xavi Hernandez ka treguar shumë personalitet në stolin e ‘’ Blaugranëve ‘’ duke rikthyer shpresën tek një skuadër që pak e nga pak po shpërfytyrohej .
Merkatoja e janarit rezultoi çelësi për të shpëtuar nga ky ngërç por revolucioni sigurisht do të marrë një kohë të gjatë për të dhënë efektet e pritura .
Joan Laporta po e tregon se është i denji për këtë klub që në të kaluarën mposhti me meritë çdo rival që i doli përpara dhe tashmë kërkon të përsërisë sukseset .
Sipas ‘ Sport ‘ Sergino Dest dhe Clement Lenglet nuk kanë mundur ta bindin ish mesfushorin dhe janë etiketuar si të padëshiruar për të ardhmen .
Shitja e tyre do të ishte një plus për arkat për të rikuperuar një pjesë të investimit në merkaton e janarit dhe për ti vënë gjërat në vijë gjatë asaj të verës ku priten përforcime të reja në Katalunjë .
Suksesi po predominon tek ‘’ Los Cules ‘’ sepse me shumë sakrifica kanë arritur të mbyllin transferimin e Andreas Christensen i cili do të vihet në dispozicion të ishi-t të Al Sadd duke filluar nga sezoni vijues , lojtar që pritet të ndiqet nga Noussair Mazroui duke mos përjashtuar edhe Erling Haaland por për këtë operacion të bujshëm , shitjet bëhen të domosdoshme .
Për francezin Sevilla ka filluar seriozisht sulmin sepse e vlerëson maksimalisht kontributin e dhënë tek Barcelona ndërsa Sergino Dest preferohet nga Monaco , ekip me shumë histori në Ligue 1 i cili ia ka hapur me kohë dyert e ‘’ Luigjit të Dytë ‘’ 21 vjeçarit .
Në këtë histori priten edhe surprizat sepse nuk përjashtohet futja në garë e të tjerë pretendentëve që mund ta bindin Barcelonën me kërkesat e tyre .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
