Pavarësisht problemeve të theksuara në aspektin ekonomik, tek Barcelona vijon të shpresohet për arritjen e objektivave gjatë merkatos së verës.
Priten shumë ndryshime tek spanjollët dhe prioritet vijon të jetë përforcimi i metrave të fundit.
Nico Williams i Athletic Bilbaos po e bind me kalimin e çdo sfide Xavi Hernandezin, lojtar i grumbulluar edhe nga Luis de la Fuente tek ‘’ La Furia Roja ‘’.
Sipas ‘ Sport ‘ klauzola e prishjes së kontratës me vaskët prej 50 milionë eurosh mund t’ia lehtësojë tentativën Barcelonës për ta transferuar në ‘’ Camp Nou ‘’.
Nëse e vlerësojmë në aspektin cilësi-çmim sigurisht blerja e 21 vjeçarit konsiderohet një zgjidhje perfekte për drejtuesit e kësaj skuadre, e cila vijon të jetë e limituar në lidhje me blerjet.
Të qënit pjesë e kuq e bluve është një dëshirë e Nico Williams, ekip në të cilin do të gjente mbështetjen e Alejandro Baldes, Pau Cubarsit dhe Lamine Yamal, shokë të ekipit tek Spanja.
Megjithatë, po shqyrtohen disa alternativa për arritjen e këtij objektivi, një ndër të cilat mund të jetë përfshirja e ndonjë lojtari për ta reduktuar koston e kësaj marrëveshjeje.
Nico Willams është një element shumë cilësor, i cili spikat për teknikën dhe shpejtësinë, sidomos në duelet një kundra një dhe në sezonin aktual e ka konfirmuar potencialin me 6 gola dhe 12 asiste në 29 sfida.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
