Afrimi me fundin e kontratës me Liverpoolin e ka shëndërruar Georginio Wijnaldum në një kandidat preferencial për mesfushën e Bayernit . Bavarezët shpresojnë në transferimin e hollandezit me parametër zero në ‘’ Allianz Arena ‘’ pavarësisht se edhe Barcelona lufton për të . Portali britanik ‘’ The Mirror ‘’ e afron 30 vjeçarin çdo ditë e më shumë me Bayern Munchen por interesi i pareshtur i Ronald Koeman për yllin e Liverpoolit hap një debat interesant për të ardhmen e tij . ‘’ Blaugranët ‘’ mbeten disi në kundrakohë në lidhje me këtë operacion sepse drejtuesit e tyre kanë deklaruar se nuk munden të përballojnë rrogën e lartë të shtatlartit të mesfushës dhe ky fakt ia rrit shpresat gjermanëve për ta patur në organikë .
Largimi i deklaruar i Javi Martinezit krijon një boshllëk të madh në mesfushën e drejtuar nga Hansi Flick dhe do të kërkohet në mënyrë urgjente rikuperimi i tij me transferimin e lojtarit nga Roterdami . Një fakt që me siguri do ti krijojë një bilanc financiar të qëndrueshëm Bayernit është edhe largimi i konfirmuar i komponentëve si Jerome Boateng , David Alaba dhe Javi Martinez paga e të cilëve ka përcaktuar një peshë specifike në arkat e Bayern Munchen .
Nëse kampionët e Bundesligës do të kenë fatin e pasjes së tulipanit në skuadër do të shtonin rendimentin e mesfushës dhe gjithashtu do ti shërbenin prapavijës për arsye se është një lojtar polifunksional . Sezoni për nxënësin e Klopp vijon në një nivel normal sepse është aktivizuar në 46 takime dhe ka shënuar 3 gola .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
