Gjatë eksperiencës me Marseillen Mason Greenwood ka arritur të rikuperojë ndjeshëm terren në krahasim me të kaluarën.
Mesfushori po zhvillon sezonin e dytë në ‘’ Stade Velodrome ‘’, i shoqëruar deri më tani me 11 gola dhe 4 asiste në 16 sfida.
Drejtuesit e Atletico Madridit po e monitorojnë me kujdes anglezin, për të cilin francezët pretendojnë të arkëtojnë rreth 80 milionë euro.
Kjo shifër është përcaktuar në sajë të ecurisë pozitive të ishi-t të Manchester United në një ndër kampionatet më të rëndësishëm të Europës.
Traineri Roberto De Zerbi beson tek kualiteti i 24 vjeçarit, një ndër më premtuesit tek ‘’ Djajtë e Kuq ‘’ në të shkuarën.
Mënyra se si luan e ka impresionuar Diego Simeonen pasi është tejet potent, teknik dhe ka aftësinë për të arritur shpejt tek golat.
Sipas ‘ French Football Weekly ‘, presidenti i marsejezëve Pablo Longoria ka deklaruar se nuk do të bëjë lëshime në lidhje me peticionin, duke qenë se Mason Greenwood është një ndër më të mirët në 11-shen e teknikut italian.
Për ‘’ Los Colchoneros ‘’ transferimi i golashënuesit në ‘’ Wanda Metropolitano ‘’ do të konsiderohej një vlerë e shtuar për repartin ofensiv, i cili po bën mirë tek një ndër klubet më të famshëm në Francë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
