Pas lamtumirës së Jurgen Klopp, tek Liverpooli ka filluar një revolucion.
Vendin e gjermanit e ka zënë Arne Slot, i cili ka filluar punën për të rikthyer përsëri buzëqeshjen në ‘’ Anfield Road ‘’.
Priten largime nga anglezët dhe besohet se Virgil van Dijk mund ti vërë shumë shpejt pikën eksperiencës.
Atletico Madridi shikohet si destinacioni i mundshëm për 33 vjeçarin, i cili i është vetëofruar ekipit të Diego Simeones.
Megjithatë, në aspektin ekonomik ‘’ Los Colchoneros ‘’ preferojnë të tjera alternativa për të ruajtur ekuilibrat por gjithsesi ishi i Celtic konsiderohet aktualisht si një ndër mbrojtësit më të mirë në botë.
Largimi i tij do të përbënte një humbje për Liverpoolin por gjithsesi drejtuesit, me në krye Richard Hughes dhe Michael Edwards po japin maksimumin për të gjetur një zëvëndësues të denjë.
Paga e shtatlartit është momentalisht e papërballueshme nga xhepat e presidentit Enrique Cerezo por s’përjashtohet edhe mundësia që ti bashkohet ligës së Arabisë Saudite, aty ku ofertat sigurisht mund t’ia përmbushin pritshmëritë.
Lojtari i lindur në Breda ka zhvilluar shtate sezone me 19 herë fituesit e Premier Leagues, i cili numëron 270 sfida dhe 23 gola, një Kampionat, dy Kupa Lige, një Fa Cup, një Community Shield, një Champions League, një Superkupë Europe dhe një Botëror Klubesh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
