Sipas trajnerit Nevil Dede, Partizani e humbi derbin ndaj Tiranës, në momentin që bardheblutë mbetën me 10 lojtarë.
Në emisionin “Skaner” në MCN TV, Dede analizoi fitoren e bardhebluve, ku u shpreh se skuadra e Kolelës në fushë ishte pa busull.
Në gjykimin tim Tirana gjithmonë është pragmatiste. Mendoj që kishin një bonus të madh, në minutën e 42 bënë zëvendësimin, ndërsa 3 minuta më vonë shënuan. Trajneri Shehi bëri zgjedhjet e duhura dhe meriton duartrokitje. Tirana e interpretoi ndeshjen me mirë. Kur mbetën me 10 lojtarë, Tirana luajti 4-4-1 dhe Xhixha ishte në të majtë. Partizani nuk mori masa. Në momentin që Tirana mbeti me 10 lojtarë, Partizani e humbi ndeshjen. Bardheblutë e menaxhuan gjithçka me shumë kujdes. Partizani mu duk një skuadër pa busull.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
