Vllaznia do të nisë rrugëtimin në Kupat e Europës, nga turi i dytë në Conference League.
Ditën e sotme, shkodranët kanë mësuar edhe kundërshatrtin në turin e dytë, pas shortit të hedhur në Nion të Zvicrës.
Vllaznia do të përballet me rumunët e Universitatea Craiova. Ndeshja e parë do të luhet në datën 21 korrik në stadiumin “Loro Boriçi”, ndërsa e kthimit një javë më pas.
Edhe Laçi me Partizanin kanë mësuar rivalët, në rast se arrijnë të kualifikohen në turin e dytë. Kurbinasit, në rast se mposhtin Iskra në turin e parë, do ta nisin në transfertë turin e dytë në Conference League, përballë Floriana FC në Maltë, ose Petrocub-Hincesti në Moldavi.
Partizani, në rast se ia del të kualifikohet kundër Saburtalos, do të luajë në turin e dytë kundër Steaua Bucuresht.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
