Zërat për largimin e Antoine Griezmann janë shtuar me kalimin e ditëve . Rikthimi i mundshëm tek Atletico Madridi duket se tashmë do të jetë një çështje e pamundur dhe rrugët mbeten të hapura për francezin . Sipas As në ditët e kaluara u përfol mbi një shkëmbim me Paulo Dybalan por vendimi i 30 vjeçarit për të vijuar luftën me katalanasit i ka përmbysur krejtësisht idetë e drejtuesve të tyre . Mentaliteti fitues nga i cili karakterizohet nuk e ka lënë të dorëzohet kaq lehtë dhe beson se mund ta bindë trainerin Ronald Koeman për fitimin e një vendi në formacionin titullar .
Gjithsesi situata ekonomike i detyron ‘’ Blaugranët ‘’ të aplikojnë shitjet për të normalizuar gjëndjen në të cilën ndodhen sepse në të kundërt nuk do të mund të regjistrojnë katër blerjet e deritanishme dhe gjithashtu arritjen e rinovimit me legjendën Lionel Messi. Largimi i ishi-t të Atleticos nga ‘’ Camp Nou ‘’ momentalisht mbetet çështja prioritare e Barcelonës pavarësisht se ky i fundit e ka refuzuar vendimin e tyre . Problematikat e shumta nuk po i lënë katalanasit të ngrejnë kokën dhe njëkohësisht i vënë në kundrakohë në lidhje me realizimin e objektivave.
‘’ El Principiton ‘’ e ka shoqëruar një sezon i vakët i cili është finalizuar me 20 gola në 50 ndeshje por vendimi i tij e ka përkeqësuar situatën tek ‘’ Los Cules ‘’ , skuadër që synon të hedhë pas krahëve kalvaret e të kaluarës me qellimin e nisjes së rrugëtimit drejt suksesit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
