Egnatia triumfoi në transfertë ndaj Laçit, me rezultatin 2-1, falë një përmbysje në pjesën e dytë.
Kurbinasit e nisën mirë ndeshjen, ndërsa e mbyllën fraksionin e parë në avantazh, falë golit të William Melo Cordeiro.
Përveç golit, bardhezinjtë e Cungut, treguan gjithashtu paraqitje të shkëlqyer, me raste të mira për shënim.
Megjithatë, pjesa e dytë ishte një tjetër histori. Egnatia e nisi në sulm dhe barazoi shifrat në minutën e 62-të me sulmuesin Montenegro.
7 minuta më vonë, ishte Ibrahimoglu, i cili përmbysi rezultatin me golin e tij. Sukses i rëndësishëm për rrogozhinasit, që shkëputen në krye me 60 pikë, ndërsa Laçi mban vendin e shtatë me 38 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
