Një ndër objektivat e drejtuesve të Barcelonës në çdo merkato është përforcimi me elementë të rinjë.
Sigurisht Joan Laporta ka dhënë maksimumin për skuadrën e zemrës, e cila e ka nisur shumë mirë sezonin, nën drejtimin e Hansi Flick.
Përpjekjet e numrit një të ‘’ Blaugranëve ‘’ vijojnë dhe këtë herë drejtuesit kanë preferuar Ganën si destinacion.
Tek skuadra e Dreams aktivizohet 18 vjeçari Abdul Azzis Isah, i konsideruar nga ekspertët e Federatës Afrikane të Futbollit si një ndër talentët e këtij kontinenti.
Në sezonin e shkuar mesfushori nga Akra u shpall golashënuesi më i mirë i Kupës së Konfederatës, për të cilin është interesuar edhe Newcastle.
Megjithatë, drejtuesit e spanjollëve janë treguar më të shkathët dhe e kanë fituar garën me bardhezinjtë.
Parashikohet se Abul Azzis Isah do ti bashkohet ekipit të filialit, i cili i bashkohet bashkpatriotit David Oduro, pjesë e Accra Lions në kampionatin vendas.
Ky objektiv i arritur tregon interesin e një ekipi me famë si Barcelona për tu furnizuar me talentë në kontinentin afrikan, të cilët premtojnë për të ardhmen dhe një pjesë e madhe e tyre përfaqësojnë klubet me emër të Europës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
