Sulmuesi i Polonisë, Robert Lewandowski, foli pas ndeshjes që kombëtarja e tij mori ndaj Shqipërisë ditën e djeshme. Në fjalët e tij sulmuesi polak u shpreh se skuadra e tij e kishte lojën në kontroll dhe duhet të kishin shënuar më shumë se një gol.
“Pasi u shënua goli, në fushë ndaj nesh fluturuan shishet. U bë pak e rrezikshme. Megjithatë ne e dinim që gjyqtari do lejonte që te riktheheshin përsëri në fushë. Ne kishim lojën në kontroll dhe morëm atë që na duhej, 3 pikët. Në sulm mund të bënim më shumë, të përpiqeshim të shënonim 1 ose 2 gola të tjerë.”, tha fillimisht Lewandowski.
Shqipëria luan ndeshjen e ardhshme me Anglinë dhe Lewandowski parashikon një humbje të kuqezinjve, duke thënë se Anglia nuk do të lërë më pikë në ndeshjet e radhës.
“Anglezët nuk do të humbasin më pikë deri në fund. Le të përqendrohemi te ndeshjet tona. Ne duam të marrim 6 pikë në ndeshjet e radhës dhe më pas të shikojmë çfarë do të ndodhë”, përfundoi sulmuesi polak.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
