Ofertat për brazilianin Felipe kanë filluar të konsiderohen shqetësuese nga Atletico Madridi . Flitet se shumë shpejt mbrojtësi mund të rikthehet në shtëpi dhe do ta dobësonte prapavijën e ‘’ Los Colchoneros ‘’.
Drejtuesit e kryeqytetasve janë treguar të shkathët dhe menjëherë kanë marrë shënime duke konsideruar shtatlartin e Lilles Sven Botman .
Fitimi i Ligue 1 e ka pozicionuar hollandezin si një kandidat potencial për disa skuadra të njohura , ndër të cilat përfshihet edhe Milani . 21 vjeçari është rritur në akademinë e Ajaxit , një ndër më prestigjozet e futbollit dhe shumë shpejt ka treguar vlerat në një ndër kampionatët më të ndjekur të Europës .
Stefan Savic dhe Mario Hermoso nuk janë të mjaftueshëm për Diego Simeonen i cili kërkon të shtojë cilësinë në këtë aspekt , repart ku ‘’ Los Rojiblancos ‘’ janë shquar gjithmonë si një ndër skuadrat më të forta .
Parametrat e Sven Botman vlerësohen shumë nga i ashtuquajturi ‘’ El Cholo ‘’ ku spikasin gjatësia , forca fizike dhe lufta në ajër duke e shëndërruar në një element tepër të preferuar në kontinentin e vjetër .
Ecuria e qëndërmbrojtësit është tejet motivuese por duhen patur parasysh edhe kuqezinjtë që mund ti shkaktojnë probleme kryeqytetasve pavarësisht se aktualiteti i favorizon ndjeshëm fituesit e La Ligas .
17 ndeshjet e deritanishme kanë shërbyer për akumulimin e pretendentëve dhe duhet parë se si do të vijojnë ngjarjet sepse lufta mund të ketë shumë surpriza deri në fund .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
