Riluhet pas 37 vitesh Flamurtari-Barcelona. Legjendat zbresin në fushë në stadiumin e Vlorës

<p>Pas 37 vitesh, në Vlorë është riluajtur një nga ndeshjet më historike për futbollin shqiptar, Flamurtari-Barcelona. Në fushë zbritën legjendat e kohës për të dyja ekipet, ku nga kuqezinjtë e Vlorës dallonin edhe pse jo më me energjinë rinore, Vasil Ruçi, Kreshnik Çipi, Latif Gjondeda, Roland Iljadhi, Eqerem Memushi, ndërsa nga katalanasit, Salvo apo Esteban Vigo.</p> <p>Edhe pse luajtën ndaj një ekipi modest, të izoluar në-Shqipërinë komuniste, ish-futbollistët e Barcelonës rrëfejnë se ajo sfidë ka lënë memorie në karrierat e tyre.</p> <p><a href="https://www.fibank.al/individe/depozita-dhe-investime/depozita/depozita-e-hapur" target="_blank"><img alt height="100" src="https://www.mcntv.al/sites/default/files/fbank31.gif" style="float:left" typeof="foaf:Image" width="600"></a></p> <p>Ndërsa Bashkia e Vlorës i akordoi titullin ‘Mirënjohja e Qytetit,‘, ekipit të Barcelonës të viteve 80’. Sipas kryebashkiakut Ermal Dredha, ajo ndeshje ka lënë shenjë historikë për qytetin.</p> <p>Flamurtari dhe Barcelona janë përballur dy herë në histori. Herën e parë, u ndeshën në Vlorë, në takimin që përfundoi me rezultatin 1-1. Për vlonjatët, shënoi Vasil Ruçi.</p> <p>Kurse herën e dytë, në Barcelonë fituan katalanasit 4-1.</p>