Kylian Mbappe rezultoi determinant në sfidën e parë të 1/8- tave kundër Real Madridit duke e shtuar entuziazmin në Paris. Drejtuesit e Paris St Germain nuk po e gjejnë dot formulën për rinovimin e kontratës me sulmuesin dhe ky fakt i shton zërat për transferimin tek ‘’ Galaktikët ‘’ pas 30 qershorit.
Këmbngulja e ‘’ Les Pariziens ‘’ vijon me negociatat e pandalura të Leonardos por sipas disa mediave pakti ndërmjet 23 vjeçarit dhe madrilenëve është arritur dhe në këtë histori kuq e blutë pritet të humbasin shumë .
Dëshira e Kylian Mbappe gjithmonë është lidhur me transferimin në ‘’ Santiago Bernabeu ‘’ por është sfiduar ashpër nga kundërshtimi i gjigandëve të Ligue 1 të cilët nuk duan kurrsesi ta humbasin pilarin e ofensivës.
Situata është e ndërlikuar për ishi-n e Monacos i cili po i habit të gjithë në nivelin e treguar por peshorja anon nga largimi nga ‘’ Parque de Prince ‘’ edhe pse Nasser Al Khelaifi nuk e ka thënë fjalën e fundit dhe pikërisht në këtë moment duhet të sakrifikojë për Parisin që vijon luftën drejt shkruajtjes së historisë në Champions League .
Kylian Mbappe është drejt një rruge të suksesshme dhe sipas ‘ Mundodeportivos ‘ drejtori sportiv Leonardo po i përdor të gjitha formulat për të siguruar një element të rrallë për ofensivën .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
