Pavarësisht se është drejt fundit të huazimit në Torino , Juventusi vijon të shpresojë për të blerë kartonin e spanjollit por për arritjen në këtë pikë i ka bërë një propozim Atletico Madridit .
Vlera e sulmuesit në treg arrin 35 milionë eurot por ‘’ Zonja e Vjetër ‘’ kërkon uljen e saj duke përfituar kështu faktin se nuk konsiderohet nga Diego Simeone.
Bardhezinjtë e kanë bërë të vetën dhe sipas ‘ Mundodeportivos ‘ kanë ofruar 15 milionë euro plus bonuse për golashënuesin por kryeqytetasit nuk janë bindur dhe s’mendojnë të tërhiqen nga kërkesa për arsye se Alvaro Morata ka rezultuar një lojtar kyç në ‘’ Wanda Metropolitano “ .
Në këtë histori do të luajë një rol edhe Barcelona sepse Xavi Hernandez ia ka shkelur me kohë syrin bashkombasit dhe katalanasit shpresojnë në mosarritjen e akordit ndërmjet juventinëve dhe ‘’ Los Rojiblancos ‘’ për transferimin e një sulmuesi shumë të frikshëm .
Massimiliano Allegri e ka thënë me kohë fjalën e tij që lidhet me qëndrimin e ishi-t të Real Madridit tek ish rekordmenët e Scudettos , të cilët janë në një proçes rindertimi dhe qëndrimi i lojtarëve me peshë konsiderohet një domosdoshmëri .
Iniciativa e juventinëve e pozicionon sërish ndër të privilegjuarit e merkatos Alvaro Moratan që ka një peshë specifike në 11-shen e teknikut italian pavarësisht se oferta është inferiore në krahasim me peticionin e Atleticos .
Sezoni po shkon mbarë për madrilenin që ka gjetur në 8 raste golin dhe ka kontribuar me 2 asiste në 32 sfida dhe tendenca shkon drejt përmirësimit në javët vijuese por fillimisht Juventusi duhet të zgjidhë këtë çështje prioritare për fazën ofensive .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
