Flamurtari është skuadra e radhës që kualifikohet për në finalen e “play off” në Kategorinë e Parë dhe vazhdon garën për ngjitjen në Superiore.
Vlonjatëve, iu mjaftoi barazimi 1-1 ndaj Apolonisë, për tu kualifikuar më tej. Me rregullin e ri, Flamurtari kalon më tej edhe me barazim, për shkak se në klasifikim renditej më lart se fierakët.
Sa i përket ndeshjes, Flamurtari kaloi në avantazh me Pedro Augusto në fundin e pjesë së parë, ndërsa Apolonia barazoi me Antoni në minutën e 63-të.
Vlen të përmendet se të dyja ekipet humbën nga një penallti. Fillimisht ishte Augusto që gaboi për Flamurtarin në minutën e 66-të, ndërsa portieri Kuka bëri heroin në minutën e 89-të, duke i pritur 11-metërshin Hasanajt.
Në finale, kuqezinjtë do të përballen me Korabin dhe skuadra që fiton, do të luajë ndeshjen e fundit me vendin e tetë të Superiores, aty ku ekipi që triumfon, do të luajë në elitë për sezonin tjetër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
