Gjëndja shëndetësore e legjendës së Formula 1, Michael Schumacher, sa vjen e po përmirësohet akoma dhe më tepër.
Sipas të përditshmes zviceriane “Blick”, Michael Schumacher ka qenë i vetëdijshëm gjatë transferimit të tij me ambulancë nga spitali i Grenoblës në qendrën e rehabilitimit të Spitalit Universitar të Lozanës.
Në shkrimin e gazetës zviceriane thuhet se shtatë herë kampioni i Botës në Formula 1 gjatë udhëtimit me ambulancë i ka mbajtur hapur sytë, ku edhe pse nuk fliste, ai komunikonte me lëvizje të lehta.
Gjithashtu, gazeta zviceriane “Blick” shkruan se personeli i ambulancës ka dorëzuar telefonat për të siguruar privatësinë, ndërsa shton se Schumi dukej se kishte humbur peshë.
Michael Schumacher po lufton prej 5 vitesh me vdekjen pas një aksidenti të pësuar në vitin 2013 duke bërë ski, kur ai ra dhe goditi kokën e tij në shkëmb duke mos u përmendur më që prej asaj ditë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
