Kandidati për president në FSHF, Sulejman Starova, deklaroi se familja e futbollit duhet të vendosë për veten. Në emisionin “Skaner” në MCN TV, ai deklaroi se duhet të respektohet ligji dhe të punohet për të çuar futbollin shqiptar sa më lart.
Sipas Starovës, që Kombëtarja të jetë sa më lart, duhet një bashkëpunim i mirë mes shtetit dhe Federatës.
“Federata dhe Duka pranuan vendimin e Gjykatës, duke pritur Prodanin si kryetar të Shoqatës Rajonale të Futbollit Tiranë. Të gjithë pranuan që zgjedhjet të bëhen brenda familjes së futbollit. Nuk lejohen ndërhyrjet nga jashtë. Të respektohet ligji. Kjo është një shenjë e mirë. Unë duke i besuar asaj se si futbolli të ecë përpara. Nëse duam ta shikojmë Shqipërinë lart, në Europian apo Botëror, duhet një marrëdhënie e mirë shtet-Federatë. Pa ndërhyrje, ne duhet të bëjmë përpjekjet maksimale, që shtetin ta bëjmë për vete.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
