Tekniku portugez që drejton Manchester United, Jose Mourinho, ka arritur marrëveshjen me organet tatimore në Spanjë, për të shmangur nisjen e procedimit për evazion fiskal, që mund ta çonte drejt burgut.
Mediat spanjolle kanë raportuar se, trajneri aktual i “Djajve të Kuq”, akuzohet nga autoritetet spanjolle se ka shmangur taksat nga të ardhurat që i ka përfituar për të drejtat e imazhit (3.3 milionë euro) gjatë qëndrimit në krye të Realit të Madridit për periudhën 2010-2013.
Me marrveshjen e arritur “Special One” i ka dhënë fund probleme me drejtësinë spanjolle, pasi do të paguajë një gjobë të majme prej 800 mijë eurosh duke larguar edhe rrezikun e dënimit me 12 muaj burg.
Jose Mourinho ka pasur dhe më parë probleme me autoritetet tatimore në Spanjë ku në vitin 2015 u detyrua të pagunate 4.4 milionë euro për të stabilizuar pozicionin e tij fiskal për vitet 2011 dhe 2012.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
