Ky sezon i ka shkaktuar shumë kënaqësi Manchester United . ‘’ Djajtë e Kuq ‘’ janë treguar të duruar dhe mbeten të paluhatur drejt plotësimit të objektivave . Me sigurimin e vendit të dytë në Premier League nuk i mbetet gjë tjetër veçse të mbyllë kapitullin e Europa Leagues ku e pret në finale Villareali . Në të kaluarën traineri Ole Gunnar Solskjaer u kritikua shumë por historia ka ndryshuar krejtësisht . Një ndër problematikat kryesore të Manchester United në vitet e fundit ka qënë performanca e dobët , por ky episod është hedhur pas krahëve sepse norvegjezi ka kontribuar shumë në ringritjen e tyre .
Me këto arritje kërkesa e llogarisë ka ardhur në rritje , sidomos në merkato . Pak kohë larg fillimit të saj skuadrat prestigjoze vijojnë me thurjen e planeve për të arritur majat sezonin e ardhshëm .
Konkretisht Manchester United është i ndërgjegjshëm se duhet një ndryshim thelbësor dhe i ka përveshur mëngët drejt tij. Sipas tabloidit ‘’ The Sun ‘’ Manchester United është përfshirë fuqishëm në merkato dhe pretendon blerje potente që do ta afrojnë me suksesin .
48 vjeçari ka deklaruar tre alternativa bindëse . Lista fillon me Cristiano Ronaldon . Kurrsesi nuk mund të harrohet e kaluara Manchester United me luzitanin në skuadër . E ardhmja e 36 vjeçarit nuk është e sigurtë në ‘’ Allianz Stadium ‘’ për shkak të zvarritjeve të ‘’ Zonjës se Vjetër ‘’ që nuk ka siguruar vetëm fitimin e kupës së Italisë kundër Atalantës dhe vijon të diskutojë futjen në Champions League .
Kontrata me bardhezinjtë skadon në 2022-shin dhe vlera e kartonit sipas Transfermarkt kap 50 milionë eurot . Pas tij është Harry Kane . Endërra për trofe bëhet edhe më e zjarrtë me kalimin e kohës dhe Manchester United ia jep këtë shans . Kontrata e ‘’ Uraganit ‘’ përfundon në 2024-tën por skuadrat e interesuara duhet ti paguajnë ‘’ Gjelave të Londrës ‘’ 100-120 milionë euro. Lista merr fund me Jadon Sancho . Emri i anglezit është lidhur ngusht edhe në të kaluarën me ‘’ Old Trafford ‘’ dhe i pëlqen ideja që të provojë veten në Premier League .
Por Borussia Dortmundi nuk mendon ta largojë 21 vjeçarin nga ‘’ Signal Iduna Park ‘’ për më pak se 100 milionë euro , kërkesë që Manchester United po e shqyrton pavarësisht ndikimit të koronavirusit në ekonominë e klubit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
