Pavarësisht se është vetëm fillimi i sezonit skuadrat me emër në Europë nuk e kanë anashkaluar për asnjë moment vëmëndjen nga merkatoja . Konkurrenca në kontinentin e vjetër sa vjen edhe ashpërsohet dhe domosdoshmërisht nevojitet një merkato cilësore për të qenë në nivelin e duhur .
Kampioni i La Ligas Atletico Madridi vijon të hasë problematika të theksuara në mesfushë dhe përpara kësaj situate Diego Simeone nuk ka preferuar të qëndrojë duarkryq dhe i ka hedhur sytë tek Marcelo Brozovic .
Kroati akoma nuk e ka gjetur akordin me drejtuesit e Interit për rinovimin e kontratës dhe deri në këtë stad të sezonit është aktivizuar në vetëm 400 minuta të cilat janë ndarë në 5 ndeshje ku ka treguar shumë personalitet në fushën e lojës. Duhet kujtuar se në të kaluarën ‘’ Los Colchoneros ‘’ pretenduan shërbimet e 28 vjeçarit dhe duan të përfitojnë nga fakti se e përfundon kontratën me kampionët e Scudettos në 30 qershorin e 2022-shit për ta transferuar në ‘’ Wanda Metropolitano ‘’.
Eksperienca me skuadrën nga Milano përmblidhet në 247 ndeshje , 25 gola dhe 33 asiste dhe gjatë kohës është shëndërruar në një element të domosdoshëm për mbarëvajtjen e Interit .
Megjithatë rruga e ‘’ Los Rojiblancos ‘’ parashikohet se do të jetë shumë e ndërlikuar sepse ishi i Dinamo Zagrebit vlerësohet shumë nga Simone Inzaghi dhe për më tepër ishte pjesë e suksesit të Interit në fitimin e Serisë A .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
