Trajneri Nevil Dede, tha në emisionin “Skaner” në MCN TV, se i pëlqeu reagimi i Tiranës ndaj Dinamo Batumit, kur ishin në disavantazh. Sipas tij, bardheblutë kanë një skuadër të fortë, por kundërshtari përballë është më i vështiri i skuadrave shqiptare në Europë. “Në një situatë edhe mbrojtja e Tiranës gaboi dhe pësoi. Përballë kishin një kundërshtar me kualitet si skuadër. Mesfushën e kishin shumë të mirë. Tirana me 6 lojtarë të rinj në formacion, e përballoi shumë mirë ndeshjen. E përballoi mirë deri te goli. Barazoi një ndeshje, që nuk e meritonin të humbisnin. Te Tirana më pëlqeu reagimi dhe kishin besim deri në fund se mund t’ia dilnin. Është një Tiranë e fortë. Dinamo Batumi, është kundërshtari më i fortë që i ka rënë ekipeve shqiptare. Ndeshja e kthimit do të ketë një dinamikë tjetër.”, u shpreh Dede.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
