Një ndër ngërçet kryesore të Barcelonës ndër vite ka qenë pa dyshim prapavija .
Katalanasit kanë vuajtur shumë në këtë repart i cili nuk ka rezultuar në të njëjtin nivel me mesfushën dhe ofensivën. Aktualiteti konsiderohet shumë i ndërlikuar për ‘’ Los Cules ‘’ të cilët vijojnë të vuajnë largimin e Lionel Messit dhe Luis Suarezit që i kanë lënë shumë të varfër në lidhje me produktivitetin .
Këtij realiteti të hidhur i shtohet edhe ekonomia e dobët që nuk i jep garancinë spanjollëve për një merkato cilësore .
Megjithatë pozicioni që i ka krijuar më shumë dhimbje koke trainerit Ronald Koeman është krahu i majtë i mbrojtjes .
Me një Jordi Alba drejt fundit të karrierës dhe Alex Balde të cilit i duhet kohë për të fituar eksperiencën e nevojshme tek ‘’ Blaugranët ‘’, drejtuesit katalanas e kanë përqëndruar vëmëndjen tek Monaco.
Bëhet fjalë për Caio Henriquen i cili e ka provuar La Ligan me Atletico Madridin dhe pas largimit nga ‘’ Wanda Metropolitano ‘’ pati mundësinë të vijojë progresin në Brazil me Parana , Fluminense dhe Gremion që i shërbyen për tu kthyer më i fortë në Europë . Ky është sezoni i dytë në ‘’ Luigjin e dytë ‘’ dhe drejtuesit e francezëve duhet të tregohen shumë të kujdesshëm në këtë operacion për të bërë zgjedhjen më të mirë për nxënësin e Niko Kovaç.
24 vjeçari është një lojtar stabël në skemat e kroatit por patjetër që interesi i Barcelonës i jep një tjetër impakt të ardhmes së Caio Henriques . I mbetet në dorë Joan Laportës dhe ndihmësve të tij se si do të proçedojnë duke qenë se çështja ekonomike i disfavorizon spanjollët në lidhje me transferimin e brazilianit në ‘’ Camp Nou ‘’.
Në këtë histori një gjë është e sigurtë se vigjilenca e drejtuesve respektivë është rritur ndjeshëm dhe janë koshientë se i duhet një sakrificë shumë e madhe për rindërtimin e kuq e bluve .
Caio Henrique është titullar absolut për trainerin kroat por pretendimi i Barcelonës pritet ti japë rezultatet gjatë merkatos së janarit sepse fuqizimi i mbrojtjes mbetet prioritet për të ardhmen .
14 ndeshjet e deritanishme ia rrisin vlerat mbrojtësit nga Santos i cili deri më tani e ka justifikuar besimin e Niko Kovac me 14 ndeshje dhe një nivel për tu duartrokitur .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
