Vedat Muriqi nuk po arrin dot të përshtatet në Serie A, aty ku sezonin e kaluar u bashkua me skuadrën e Lazios. Prej kohësh është përfolur për një rikthim të mundshëm të sulmuesit të Kosovës në Turqi te Fenerbahce.
Për të shtuar akoma edhe më shumë këto zëra, ka menduar bashkëshortja e Muriqit. Kjo e fundit ka konfirmuar se ëndrra e saj është të rikthehet në Stamboll.
Nëpërmjet një postimi në ‘Instagram’, ajo ka hedhur një foto të një kronike të mediave turke, që flasin për rikthimin e Muriqit te Fenerbahce, të cilën e shoqëron me këngën turke “Ëndrra ime”. Kaq ka mjaftuar që lajmet për një rikthim të Muriqit në Turqi, të shtohen akoma edhe më shumë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
