Pas Manchester United që po lufton fort për të siguruar qëndrimin e yjeve në ‘’ Old Trafford ‘’ , Liverpooli ka vendosur të vijojë të njëjtën rrugë . Anglezët pretendojnë me çdo kusht qëndrimin e Jordan Henderson , lojtar që mbetet një referencë për ‘’ The Redsat ‘’. 31 vjeçari është shumë afër rinovimit me gjigandët e Premier Leagues , kontratë që do ta mbajë të lidhur me mitikun ‘’ Anfield Road ‘’ deri në 2024 -tën . Lajmi është bërë me dije nga gazetari i mirënjohur italian Fabrizio Di Romano dhe është konfirmuar nga korrespondenti i BBC David Ornstein .
Me këtë hap të hedhur , Liverpooli ka fituar shumë pikë në lidhje me të ardhmen dhe ka qenë vetë lojtari i cili e ka deklaruar se nuk e shikon veten jashtë taktikave të gjermanit Jurgen Klopp.
Rinovimi i tij thekson edhe një lloj besnikërie ndaj këtij klubi me të cilin ka provuar shijen e suksesit në të kaluarën , histori të cilën duan ta përsërisin gjatë këtij sezoni por duhet patur parasysh se konkurrenca si në Angli ashtu edhe në kontinentin e vjetër sa vjen edhe vështirësohet.
Jordan Henderson e finalizoi sezonin e kaluar me 28 paraqitje në të cilat dha një kontribut të vyer për ish kampionët e Premier Leagues .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
