Duket se merkatoja e 2019-tës do të përsëritet për Atletico Madridin . ‘’ Los Colchoneros “ asokohe vlerësuan transferimin në ‘’ Wanda Metopolitano “ të sulmuesit të Osasunas Chimy Avila .
Dëmtimi i rëndë i argjentinasit pengoi largimin nga ‘’ El Sadar ‘’ por kampionët e La Ligas kanë vendosur të mos heqin dorë nga 27 vjeçari . Një ndër prioritetet e ‘’ El Cholos ‘’ është përforcimi i fazës ofensive për ti bërë më të frikshëm kryeqytetasit dhe ky lojtar e ka befasuar me lojën e zhvilluar .
S’duhet të mënjanohen as alternativat e Paul Onuachu dhe Sebastian Haller por drejtuesit e Atleticos se Madridit gjithmonë kanë preferuar të kenë asin nën mëngë.
51 vjeçari kërkon medoemos një sulmues produktiv sepse koha e Luis Suarezit është drejt përfundimit dhe cilësia duhet të mbizotërojë gjithmonë në skuadrën e tij .
Kapaciteti i yllit të Osasunës s’ka nevojë për koment sepse e ka demostruar me shënimin e golave duke u shëndërruar në referentin kryesor të sulmit të skuadrës nga Pamplona i cili shumë shpejt mund ta ndryshojë destinacionin .
Oferta e ‘’ Los Rojiblancos ‘’ mund ti shërbejë arkave të Osasunës e cila patjetër do të kërkojë të dalë faqebardhë në këtë histori por nga ana tjetër do ta kishte paksa të vështirë për ti gjetur një zëvëndësues ideal sulmuesit nga Rosario .
Deri më tani nxënësi i Jagoba Arrasates i ka bërë mirë detyrat duke rezultuar tepër determinant në 11 ndeshje të cilat i ka shoqëruar me dy gola dhe një kualitet për tu marrë shembull .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
