Në këtë merkato, një ndër objektivat e drejtuesve të Bayern Munchenit është gjetja e një portieri duke qenë se titullari Neuer ka pësuar vazhdimisht dëmtime në kohët e fundit. Kepa Arrizabalaga është bërë pjesë e planeve të bavarezëve, i cili u transferua tek Chelsea në 2018-tën, operacion që i kushtoi ‘’ Bluve të Londrës ‘’ 80 milionë euro, duke e shëndërruar në portierin më të shtrenjtë të gjitha kohërave . Edhe pse rendimenti tek anglezët është konsideruar jo në nivelin e duhur , gjermanët ia kanë hapur dyert e ‘’ Allianz Arenas ‘’ për të filluar një tjetër eksperiencë, i cili tek Chelsea do ta ketë të vështirë , sidomos pas transferimit të bashkpatriotit Robert Sanchez. Megjithatë, sipas ekspertit të merkatos Fabrizio Romano, rekordmenët e Bundesligës po analizojnë edhe opsione të tjera si Rulli ose Bounou. Në të kaluarën traineri Thomas Tuchel e kishte nën urdhërat e tij dhe konsideron se është i duhuri për këtë skuadër , e cila në çdo sezon synon protagonizmin në çdo kompeticion.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
