Kategoria Superiore U-19, zhvilloi këtë fundjavë, ndeshjet e fazave “play off” dhe “play out” për këtë sezon.
Në ndeshjet e fazës “play-off”, të vlefshme për të përcaktuar skuadrën fituese kombëtare për këtë edicion, Partizani është një nga ekipet që kaloi në gjysmëfinale.
Të kuqtë mundën me rezultatin minimal 1-0 Bylisin, në një sfidë mjaft të luftuar dhe në gjysmëfinale do të përballen me Tiranën. Këta të fundit mposhtën me rezultatin 1-3 ekipin e Skënderbeut.
Në dy ndeshjet e tjera, Apolonia mundi Akademinë e Futbollit me rezultatin 2-0, duke siguruar kështu një biletë për në gjysmëfinale, ku do të përballen me Football Republic.
Këta të fundit fituan me shifrat e thella 4-0 ndaj Vllaznisë, një ndeshje mjaft e fortë nga të dyja ekipet.
Ditën e shtunë u zhvilluan edhe ndeshjet e fazës play-out për këtë grupmoshë, ku u përcaktuan edhe dy skuadrat që do të vazhdojnë të jenë pjesë e Kategorisë Superiore U-19 për edicionin e ardhshëm. Lushnja dhe Shkëndija Tr. mundën respektivisht Elbasanin dhe Besën.
Play-off U-19, ndeshjet çerekfinale:
KF Partizani 1-0 KF Bylis
KF Skënderbeu 1-3 KF Tirana
FK Apolonia 2-0 Akademia e Futbollit
KF Vllaznia 0-4 Football Republic
Play-off U-19, ndeshjet e fazës gjysmëfinale
FK Partizani – KF Tirana
FK Apolonia – Football Republic
Play-out U-19:
FK Elbasani 1-1 Lushnja (2-4 Penallti)
Shkendija Tr 4-0 FC Besa
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
