Maurizio Sarri nuk është më trajner i Lazios. Humbja e fundit me Udinesen, ka rezultuar fatale për teknikun italian.
Sipas raportimeve nga Italia, Sarri ka dhënë dorëheqjen nga drejtimi i bardhekaltërve.
Disfata e fundit në shtëpi ndaj Udineses ishte e katërta radhazi për Lazion dhe nuk kishte më shpëtim për trajnerin Sarri.
Tashmë te Lazio kanë nisur nga puna për të gjetur zëvendësuesin e Sarrit, me presidentin Lotito që duhet të bëjë një zgjedhje të shpejtë.
Në Itali, bëjnë të ditur se presidenti i Lazios, ka kontaktuar ish-sulmuesin Tommaso Rocchi, për t’i besuar drejtimin.
Skuadra kryeqytetase, po kalon një sezon me vështirësi të mëdha, teksa pas 28 javëve, mban vendin e nëntë me 40 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
